Top Channel promovon Grida Dumën mes thashethemeve për përp*asje
Për ditë me radhë, në rrjetet sociale kanë qarkulluar informacione mbi një përplasje të mundshme mes Grida Dumës dhe Lori Hoxhës, një situatë që sipas disa aludimeve pohoi se mund të çonte në largimin e moderatores nga Top Channel.
Megjithatë, lëvizja e fundit e televizionit duket se e kundërshton këtë narrativ.
Top Channel ka publikuar një promocion për sezonin e ri dhe Grida Duma është një nga figurat kryesore në këtë video. Ajo shfaqet qartë që në fillim, në pamjet që paraqesin programin e ri të televizionit.
Pjesëmarrja e saj në këtë promo zyrtare tregon një mesazh të fortë: Grida do të vazhdojë të jetë pjesë e Top Channel.
Prandaj, spekulimet që një konflikt i mundshëm me Lori Hoxhën mund të rezultonte në largimin e saj, janë në kundërshtim me promovimin publik të televizionit.
Grida Duma është udhëheqësja e emisionit “Top Story” në ekranin e Top Channel, dhe tashmë emri i saj është përmendur në disa informacione dhe spekulime lidhur me të ardhmen e saj profesionale, për të cilat ajo ka dhënë gjithashtu disa prononcime publike.
Për sa i përket thashethemeve mbi përplasje me Lori Hoxhën, deri më tani nuk ka pasur ndonjë konfirmim nga asnjë palë. Promoja e sezonit të ri, megjithatë, tregon se Grida Duma do të mbetet në ekranin e Top Channel.
